Sngewkhia ka JSM-ER ïa ka jing isangsot ka skul SSA bad skul L.P ha Kongong-Wapung

Khliehriat Lber 24: Ki dkhot jong ka Jaiñtia Stu dents Movement Eastern Region kaba hapoh ka jingialam u President, u samla Wellson. R.D. Siang shai, myn ha ki khyndiat sngi ba la leit ki la leit ban jurip ïa ka skul SSA (L.P School) kaba don ha Kong ong kaba hap ha Wapung Shnong bad ki la lap shibun kiei kiei kiba dang duna bha ha kane ka skul kiba buh jingeh ym tang ïa ki khynnah skul hynrei buh jingeh wat ïa ki nonghikai kumjuh ruh ki bor pyniaid jong ka skul.
Na ka liang ka seng ki la buh da ka jingthoh ha khmat u Deputy Commissioner ka East Jaintia Hills District bad kyntu ïa u ba un sngew bha ban thaw ki lad ban iarap lem ïa kane ka skul.
Ki dkhot ka seng, ki la lap ba ka iïng skul ka la jot bad rim haduh katta katta kaba la i kum ka sem set mrad, ki tin ki la pei thliew lut, la ker sawdong ïa ki karma klas da ki tin lyngkhot kiba la pei bad rim bha bad ki lyntang, don ruh ki bynta ba la shu tap tnum da ki plastik, ka madan (floor) ruh da ka khyndew khlem siang dewbilat satia, ha ka por long skul ki khynnah ki shu shong halor ka khyndew bad ka ktieh “Ka long shisha kaba i sangsot haba peit ïa kane ka ïing skul, ka buh jingeh shisha ïa ki khynnah skul bad kumjuh ruh ïa ki nonghikai haba wan ka aiom ba jur u slap, ba jur ka lyer bad ha kane ka skul ki don haduh kumba shi spah san phew ngut tam ki khynnah skul kiba pule ha kane ka skul”ong u Wellson.
U la iathuh shuh shuh ruh ba ha katei ka skul, ki don shi phew ngut ki nonghikai ha kaba ar ngut na ki ki dei kiba ioh tulop SSA bad phra ngut pat ki dei kiba la siew tulop da ka School Managing Committee, ha kaba iakren bad ki dkhot jong ka seng, ki nong pyniaid jong katei ka skul ki la pynpaw ki jingeh ba ki iakynduh kiba la pynlong ïa ki ba kin don ha ka jingsngew kut lad namar ka jingduna ka pisa lane ka fund kim sngew lah shuh ban pynbit pynbiang ïa ki karma klass kiba bit ba biang ïa ki khynnah hynrei ki la shu ialeh katba long ei tang ban ioh ban ai jingnang jingsyda ïa ki khynnah jong ka thaiñ kiba pule ha kane ka skul.
Ha ka shithi ba la phah sha u Deputy Commis sioner, ba la soi kyrteng da u President JSM-ER, u samla Wellson.R.D. Siangshai bad u President JSM Wapung Unit, u samla Eiladmiki Dkhar, ka seng ka la pynpaw ïa ka jinglong jingman kaba i sangsot jong ka skul SSA bad L.P School ha Kongong-Wapung Shnong kaba la kynjoh ruh sah ka Upper Primary, ha kaba ki khynnah skul bad kumjuh ruh ki nonghikai ki hap ban mad jingeh kham tam ha ki aiom slap aiom lyer, ka jingbym biang ki karma klas bad pynpaw ruh shibun kiei kiei kiba dang duna bha ha katei ka skul.
Na ka liang ka seng ka kyntu jur ïa u Deputy Commissioner ka East Jaiñtia Hills District ba un wad ki lad ki lynti ban pyn ioh ïa ka ïing skul kaba bit ba biang na ka bynta ki khynnah jong katei ka skul, ban pyh heh shuh shuh ïa ka skul, kumjuh ruh ban pyn ioh ïa ki tin sop ïing ban tap ïa ka ïing skul khnang ban lait na u slap na ka lyer bad ban thaw lad ban pynbit pynbiang lem ïa katei ka skul ha kiwei kiwei ki bynta ruh.
La ong ba na ka liang u Deputy Commissioner ruh u la kular ba un sa wad ki lad ki lynti na ka bynta ban iarap lem ïa katei ka skul kum shi bynta ban kyntiew ïa ka pule puthi ha ka thaiñ.