Sngew phylla ki Nongkhaiï dewiong ba naei ïoh hukum ban kurup dewiong

Khliehriat iaiong 6: Kat kum ka kaiphot na ka ïing bishar lane ka Rulling of Supreme Court la ong ba u dewiong u don haduh 32 lak ton ha poh ka jylla Meghalaya bad tang hapoh East Jaiñtia Hills District u dewiong u don 16 lak ton, katkum ka jingong u Deputy Commissio-ner ka East Jaiñtia Hills District, u Abhilash Banarwal, IAS u la ong ba ha kane ka jingkurup dewiong kaba la sdang mynta khyndiat bnai la ioh ban kurup haduh kumba 50000 hajar ton u dewiong, kata na Rymbai Road bad na thaiñ Sutnga.
Mynta, ka jingkylli kaba mih na ki paidbah ba khaiï dewiong na East Jaiñtia Hills District ka long ba ‘Halor kano ka nongrim la kurup ïa une u dewiong? Balei ki kurup? Ha kaba ym shym la don satia kano kano ka hukum ne ka jingpynbna paidbah (public Notice) ban kurup ïa u dewiong, ïa une u dewiong ba la kurup kumba 50000 ton hato u Superintendent of Police bad u Deputy Commissioner jong ka East Jaiñtia Hills District shano kin leit pyni? Bad kawei ruh ka jingkylli kaba mih ka long ba shano pat uta u dewiong uba 16 lak ton? Bad mynta ki paidbah ki sah ha ka umdum ba une u dewiong uba 16 lak ton ym tip shano u don?