Sngew khia ka EJNC namar ka jingbym ioh bha ka East Jaiñtia Hills District ïa ki Artificial Turf & Artificial Track

Khliehriat jylliew 18: Ka East Jaiñtia National Council (CEC) ka pynpaw ka jingsngew khia halor ka jingbym ioh bhah lem ka East Jaiñtia Hills District ïa ki Artificial Turf & Artificial Track lyngba ka skim Khelo India, ba la pynbna da u myntri ka sorkar jylla, u bah Banteidor Lyngdoh uba dei peit ïa ka tnat Sport &Youth Affairs
“Ngi sngew kmen ban iohi ba u Myntri ka tnat Sport & Youth Affairs Department, lyngba ka jingtrei shitom ka jong u, u la lah ban wanrah ïa kine ki Skim hapoh ka jylla kaba long ka jing myntoi naka bynta ki nongialehkai Sport” ong u kyrwoh bad ha kajuh ka por ka seng ka kyntu ïa u Myntri ka tnat Sport & Youth Affairs ba un phai khmat lem sha ka East Jaiñtia Hills District bad ban pynïoh lang ruh ïaki ‘Artificial Turf & Artificial Track, ia ka Stadium kaba don haka shnong Deiñshynrum ban ban shna pynbha ruh ïaka kane kawei ka Stadium kaba don hapoh ka District.
Ka seng ka pynpaw ruh ba ka East Jaiñtia Hills District kadei kawei naki District kaba don shibun ki nongialehkai kiba don sap ha ka kam sport kumta ka District kala donkam shisha ïa kine ki Artificial Turf & Artificial Track, pynkut u kyrwoh na ka EJNC.