Ka Ophis U Mawphor bad YouTube Channel sa shisien ki shim ïa kane ka kabu ban ai Khublei Snem Thymmai Basuk bad Bakmen ïa phi baroh ki paid nongshong shnong ka jylla kyrpang ïa ki paid ka ri lum Khasi bad Jaintia kiba ïai kyrshan, ïarap bad ai mynsniem ïa ngi ha kiba bun ki bynta kiba ngim lah ban ñiewtang lut. Ngi ai khublei ïa kito baroh kiba ju pyntip lyngba ka phone halor kiba bun ki jingjia bad ki khubor ba phylla namar da ka jingïarap jong ki la ïoh ban pynsaphriang sha ki paidbah. Ngi ai khublei ïa ki Nongthoh Article kiba la noh synniang sha ka imlang ka sahlang lyngba ka kot khubor jong ngi. Ka jingkhublei ba kyrpang ka leit ruh sha kito ki hep rit kiba phah ïa ki jingdro, ki nongthoh poitri, ki nongthoh jingïathuh khana bad kiwei kiwei. Ngi Duwai bad Kyrmen skhem ba U Blei un theh ki jngkyrkhu halor jongphi ha une u Snem Ba Thymmai kumba u la don ryngkat bad kyrkhu ïa ngi ha kiba bun ki bynta ha u 2023. To ïoh ïa u Snem Thymmai uba pahuh pahai, uba wanrah ïa ka jingkoit jingkhia ïa baroh. Kynmaw ruh ïa ngi ha ki jingduwai jongphi ba ngin dang lah ban ïai ai ka jingshakri hok bad ba paka ïa phi ki paidbah baieit jong ngi.
Kum ka dak ka jingïashim bynta ha ka ban pdiang bad rakhe ïa U Snem Thymmai ka ophis u Mawphor kan khang naduh ka 31 tarik Nohprah haduh ka 1 tarik Kyllalyngkot 2024. Ka ophis kan plie ha ka 2 tarik Kyllalyngkot bad ka Kot khubor kan mih biang naduh ka 3 tarik Kyllalyngkot 2024.
Khublei Shibun
Na ka Management bad Editorial Staff & YouTube Channel Team
