Shwa ban sdang ïa ka wat baar ban ïakren pynbeit pud dei ban pynbeit shwa ïa ka Soskular ba mynta

By Mawphor Editor On May 30, 2022

Shillong, Jymmang 29: Mynta ka sngi ka Joint Action Committee Boundary of Meghalaya (JACBOM) ka la leit ban pynlong ïa ka jingïalang paidbah ha shnong Mawlasnai ban pynshai paidbah ïa ka jingpyrshah ïa ka sorkular kaba ka sorkar kala ïasoi ha ki hynriew tylli ki jaka ba ïakajia.
U Bah Erwin Sutnga shongknor ka JACBOM u la ong ba ka rai kaba kila shim ha kane ka jingïalang ka long ba ki pyrshah ïa ka Soskular kaba la ïa soi ha ki hynriew tylli ki jaka hapdeng ka Assam bad Meghalaya, ka rai kaba ar ka long ba ka sorkar kam dei ban sdang ïa ka bynta kaba ar ban ïakren pynbeit pud khlem pynbeit ïa ka soskular ba la dep soi.
Kum ka jylla kala duh ïa ka Blok-I bad ka Blok-II kam dei tang kine ki jaka lada ïa kren ban ïa pynbeit ai ba jingpynbna 1951, ka jingpynbna kaba 148, 149 , 151 ban pynduh noh ïa ki aiñ kin wan noh shuwa shane, hangta kin sa ïa peit kino ki jaka ba sah ki khasi nagta kin sa ïa peit.
Ka JACBOM ka kyntu ïa ka sorkar ba ka dei ban register ei ïa ki jaka ba don ha khappud bad ka jylla Assam, ha kane ka jingïalang la khot ia baroh ki MLA bad ki MDC hynrei ba poi sha kane ka jingialang dei tang u bah Charles Marngar.
Ha kane ka jingïakren pud mynta ka sorkar kala pynbna ba kan bud ïa ki saw tylli ki bynta, ka history, ban biang ka shynshar khaddar, ka jinglong katkum ka jaka bad ka mon jong ki paidbah.
Haba ïa dei bad ka jingbakla ha ka soskular kaba nyngkong na ka liang jong ka JACBOM kala pynkhreh mynta ban pynbiang ïa ki kot ki sla ban mudui sha Supreme Court, katkum ka jingpynbna jong u snem 1876 bad ka jingpynshisha ba ki briew ki kwah ban wan Meghalaya.
U shongnor jong ka JACBOM u bah Erwin Sutnga haba kren ïa ka soskular kaba ka sorkar kala ïa soi u la ong ba ka ïing bishar kaba ha khlieh duh jong ka Ri India kan long ka nongbishar bad dei tang ka supreme court kaba dei ban shim ïa ka jingbishar. Ngi don ka jingkymren ba ka iing bishar kaba khlieh duh kan sngap.
Haba ïa dei bad ka jingkhih halor ka khappud ka juh long man ka por ynda la jan ka elekshon, halor kane u bah Erwin u la ong ba dei ban kylli na u myntri rangbah ka jylla ba soi ïa ka soskular. Ha kane ka sngi da ki spah ngut ki briew kila poi sha kane ka jingïalang kum ka dak ban kyrshan ïa ka JACBOM.