Shillong, Jylliew 22 : Ka KHADC kala buh thong ba ha shwa ban kut jong une u snem 2022 kin pyrshang ban pyndep noh ïa ki projek ba pawnam jong ka Council.
Katkum ka jingïathuh da u Chief Executive Member, Bah Titos W Chyne, kine ki projek ki kynthup naduh ka Traditional Medicine Centre ha Sohpetbneng.
“Kane ngi la tikna ba ngin lah ban plie noh mynta u snem hi,” ong u CEM haba kren bad ki lad pathai khubor ha kane ka sngi Nyngkong.
U CEM u la ïathuh ruh ba ki don ruh kiwei ki projek kum ka Maraikaphon Tourist Spot ha Sohra bad ruh ka jingshna ïa ka iew ha Riangdo.
U la pyntip ruh ba ka jingshna ïa ka Traditional Cultural Centre ha Jingkieng Kalong in Ri Bhoi district la hap ban pynsangeh noh shwa naka daw ka jingtuklar ka ïingbishar kaba haduh mynta kim pat ïoh ïa ka jingtip lano kin ïoh ban sdang biang ïa ka.
