Shillong, Jylliew 18 : Ha ka 14/06/2025 ka Nongjri Dorbar pyllun bad ka VO ki la ïoh ka lad ban ia kynduh ia U Deputy Chief Minister ka jylla Shri S.Dhar ha ryngkat ka jingdon lang U Local MLA jong ka Mawhati Constituency Shri. Charles Marngar ha ka shnong Nongjri. Hakane ka jingïakynduh jong ki kila pynsngew ïa ki jingdonkam bad ki jingeh jong ki hala ki jong ki bynta bad ha kane ka jingïakynduh U Deputy Chief Minister u la kular ban ai ïaka dorbar shnong bad ïa ka VO ba kin lah ban pynbha pynmiat ïaki jingdonkam jong ki. Lyngba kane ka jingïakynduh jongki bad hakane ka jingïakynduh ki la pynpaw ka jing sngewkmen ïa ka jingsbun mynsiem ka jong u Dy CM. S.Dhar.
Hadien kane U Deputy Chief minister u la leit ban pynhap pyrda ruh iaka Final Football Tournament ka ba dei ka 1st MLA Cup Mawhati Constituency ha ka ba u la long kum u kongsan ha kane sngi. U Deputy Chief Minister ha ka jingkren jong u, u la ai ïa ki kyntien ai mynsiem ïaki paidbah jong ka ne ka thaiñ ban trei shitom ha la ki kam ki jam jong ki, khamtam eh u la pynshlur ïaki samla jong ka jylla jong ngi ban shimkhia bad ban trei shitom ha kino kino ki sap ki phong ba ki don khnang ban poi sha ka thong jong ka jingjop. U la pynsngew ruh ba naka liang ka sorkar ka la wad ki lad ki lynti ban pynkiew ïaki samla ha ki kam sports bad kiwei ki wei ki sector, U la pynsngew ruh ba naka liang jong ka sorkar ka la wad ki lad ki lynti ban wanrah ïaka wei ka madan stadium haka jylla ka ban long ka National studium ka ba heh tam ha ka ri India baroh kawei ka ban sa don hapoh ka Jylla jong ngi.
