Nongstoiñ, Risaw 28 : Ka West Khasi Hills District Chess Association ha ka 25 tarik u Risaw 2025 sngi Saitjaiñ ka la pynlong ïa ka Nongstoiñ Open & Inter School Chess Championship.
Ïa katei ka jingïalehkai la pynlong hapoh ka SGSY Hall C&RD Block Nongstoiñ, ha kaba la wan ïashim bynta da ki 56 ngut ki nongïalehkai na ki 10 tylli ki skul bapher bapher bad ki paitbah jong ka West Khasi Hills District, ha kaba u Bah K.Marbaniang ophisar jong ka C&RD Block Nongstoiñ u la ïoh ban plie ïa katei ka lympung.
Hadien ka jingïalehkai ba la pyndep haduh san sien, ka Chaysian N.N Sangma kaba dei ka Additional Commissioner WKHD kaba la long kum ka kongsan ryngkat ka jingïadonlang u bah Blassing Marngar kum u Symbud Kongsan, ki la ïoh ban sam ïa ki khusnam sha ki nongjop ha ka jingïasakhi lang ki nongtrei sorkar, ki dkhot ka West Khasi Hills District Chess Association, ki nonghikai skul bad ki paitbah.
Haba phai sha ki kyrdan jingjop, ha ka kyrdan under 12 Boys kiba jop ki long – 1st Miquel Marweiñ (SHRI PM JNV School), 2nd Nangsanakor Snaitang (Anderson HS School) bad 3rd Pailamaianbor Jyndiang (Anderson HS School).
Ki Under 12 Girls ki long -1st Angel Grace Shyrkon na Mawkhlam Nongpyndeng Standard School), 2nd Gladity Lyngdoh Rngaid (Anderson HS School).
Ha ka kyrdan under 15 Boys – 1st Freedy Tympuin (SHRI PM JNV School), 2nd Kyrpang Sangriang (Anderson HS School) bad 3rd Mebaphylla Dkhar na ka SHRI PM JNV School.
Ha ka thup Under15 Girls ki long – 1st P Nakisaphi Lyngdoh (Anderson HS School), 2nd Phibanrisuk Shyrkon (Sibsingh Memorial Govt HSS), 3rd Phibanri Diengngan na ka skul Anderson HS School.
Ha ka Kyrdan Under 18 Boys -1st Atiar Bakynsai Myrthong (Anderson HS School). 2nd Wanlambok Nongrum (St Peter HSS), 3rd Meshwa Syiemlieh (SHRI PM JNV School).
Ki Under 18 Girls -1st Phibanrisuklang Marbaniang (Anderson HS School) – 2nd Iaphilariphylla Snaitang (Anderson HS School) bad 3rd Wandarishisha Marwein na ka skul Sibsingh Memorial Govt HSS.
Ha ka Kyrdan Open category – 1st u Brian CJL Marshillong, 2nd u Lallomom Shyrkon bad 3rd u Ronyson Shyrkon.
