Jowai, Ïaïong 05: Ki khun ka Seiñ Raij Jowai (SRJ), hynne ka sngi U Blei ki la mih sha madan ban pynlong ïa jinglehkmen Shad Sukra ba shisien shisnem kaba la juh pynlong hashwa ba ki khun ki hajar kin hiar ban leit rep sha ki hali ki pynthor ban bet ïa u symbai u kba khnang ba un long uba siesoh.
Ka Seiñ Raij Jowai lyngba ka Arts and Culture Committee jong ka, mynta ka sngi 5 tarik u ïaïong kala pynkut ïa ka jingïalehkmen Chad Sukra, kaba dei ka tamasa kaba ju rakhe man la u snem ha u bnai Iaïong.
Kane ka tamsa ka la long kaba shongkun bad kaba iphuh iphieng, ha kaba da ki hajar ki khun ka SR Jowai ki la ïamih sha kane kane tamasa ryngkat ka jingdonlang kiwei de ki Seiñ Raij kumjuh ruh ki paidbah na kylleng ka jylla bad nawei, ha kaba mynta u snem ka kynhun naduh ri Sikkim ruh kala wan ban ia shim bynta ha kane ka shad Surka ka SR Jowai, kawei ka kynhum kaba la tip kum ka Yak Chaam kaba la shim bynta ha ka (Yak Dance).
Ï a kane ka tamasa la ju rakhe shuwa ka aiom bet symbai, kum ka jingduwai bad kum ka jingburom ïa ka Mei Mariang ban ïoh ka rep ka riang kaba bha ba mait bad khlem kano kano ka jingjia ba sniew.
Ï a ka Shad Sukra la rakhe ar sngi, kaba la sdang naduh ka janmiet sngi Saitjaiñ da ka jingshad bad ki drama.Hynne ka sngi, ka prokram kala sdang ha ka por 10 baje mynstep ha Madan Ryngkaw, Jowai, ha kaba u Wailadmiki Shylla, u myntri sorkar ba peit ïa ka tnad Health and Family Welfare, Home (Passport) bad Sports and Youth Affairs, u la long kum u Kongsan.
