Shong kyllaiñ myngngor bad thang monbati ka JSGTCA ba shah pynïap ki para nongñiah kali kamai

Jowai, Nailar 24: Ka Jowai-Shillong-Guwahati Tourist Cab Association (JSGTCA) kum ka dak ban pynpaw ka jingsngewsih halor ka jingshah pynïap dusmon jong ki ar ngur ki para nongñiah kali kamai, mynta ka sngi kila pynlong da ka jingshong kyllaiñ myngngor ha Lad Kiang Nangbah Jowai.
La sdang ïa kane ka jingshong kyllaiñ myngngor la sdang na stand kali kamai hajan Police Point nangne kila pynlong ka jingïaid kjat ha ryngkat ki placard ban leit shong ha Lad Kiang Nangbah baroh shi sngi, katba ha ka por janmiet kila pynlong ka jingthang mombati.
U President ka JSGTCA ma Anthony Pohshna ula ong ba ka jingpynlong ïa kane ka long shi bynta ban pynrem jur ïa ki riew thrang snam kiba la kloi ban shim ïa ka mynsiem ki para nongñiah kali kamai na ka por sha ka por bad kane kaba la buh jingma shi katdei dei eh ïa ka jingim ki para nongñiah kali kamai.
Ha kane ka sngi la wan ban synran lang ïaka Association naduh ki Dkhot ka Khasi Student Union, ki nongïalam shnong na Larnai, ki seng jong ki nongñiah kali kamai bapher bapaher na Khasi bad Jaiñtia bad kymjuh ruh kiba haïing jong u jong kitei ki nongkamai kali ba shah pynïap.