Jowai, Ïaïong 10: Ka Central Executive Committee ka Warjaiñtia Students’ Union (WjSU) kaba lah shong jingïalang ha kane ka sngi Balang 8 tarik u Ïaïong, 2026 ha ophis treikam ka seng ha Amlarem bala pynïaid da u Caretaker President ma Syndai Swer ha ka jingiadonlang baroh ki dkhot ka CEC.
Ha kane ka jingïalang la ïatai sani bha ban ïoh u President ba pura ka seng {Full-fledged President) namar naduh ba pynkhie im biang ïa ka seng haka 8th December, 2023 ka seng kam pat ïoh ïa u President ba pura. Ka meeting da kawei ka jingmut ka la shim ïa ka rai ban pynlong ïa ka election ban jied ïa u President ba pura ka seng ban pynlong ïa ka election jied President ka meeting ka la notify ïa ka Election Committee ka seng.
La jied ne appoint ïa u Bah Alban K Gashnga, Chief Adviser ka seng kumjuh ruh u Founder President ka seng kum u Chairman ka election committee ban pynïaid ïa ka jingjied President ka seng. Nalor u Bah Alban la jied/Appoint ruh sawngut kiwei de ki member ka election committee ban kyrshan ïa u Chairman ha ki kam ka election committee.
Ka meeting ka la kyrpad ïa u Chairman ban pynkloi ïa ka jingjied President hapoh ka 45 sngi naduh ba lah notify ïa ka election committee.
Ka meeting da kawei ka jingmut ka la resolved ïa ka CEC kaba mynta bad aiti ïa ki kam kiba sahteng ka seng ban pynïaid shipor (adhoc) ha u Samla Everest Langstang kum u Caretaker President haduh da ïoh ïa u President ba pura ka seng bad ka Central Executive Committee jong u.
Ka CEC ka kyntu ïa baroh ki nongïalam ka seng naduh ki GEC members, President bad General Secretary ki Sub Circle baroh naduh 1-WjSU Dawki Sub Circle, 2-Muktapur Sub Circle, 3-Amlarem Sub Circle, 4-Shilliang Amkshar Sub Circle, 5-Satpator Sub Circle, 7-Ratacherra Sub Circle, 8-Jowai Sub Circle, 9-Shillong Sub Circle, bad 10-Byrnihat Jirang Sub Circle ban phah ïa ka kyrteng ki dkhot ban enlist haka electoral list ïa ka kyrteng ki dkhot ban ïoh jied ïa u President ba pura ka seng.
Na ka liang u Chairman ka Election Committee la kyrpang ïa ki khun samla ka Warjaiñtia kiba don kylleng sawdong sawkun ka pyrthei ba kin wan mih sha khmat ban shim bynta lang ban shakri ban kit ban bah ïa ka imlang sahlang ka khia ka shon ka thaiñ Warjaintia baroh kawei.
Ka meeting ka ai khublei kyrpang ïa ki paidbah ka Warjaiñtia ha kylleng ka pyrthei kiba ai ka jingkyrshan ïa ka seng ha kine ki snem kiba la ïaid bad kyrmen lyngba u President ba pura ha kine ki sngi ban wan ka seng kam kham lah ban shakri shuh shuh ïa ki paid ka Warjaiñtia hi baroh kawei.
