Shillong, Nohprah, 07: Ka Sur Ka Bri U Hynniewtrep (KSKBUH) ha ka Sngi Thohdieng ka la jied ïa u Bah Donboklang Kharlyngdoh ban shimti kum u Chairman ba thymmai jong kane ka kynhun hadien ba u Chairman barim u Bah Sylvester Kurbah u la khladnoh na kane ka sla pyrthei.
Ha ka jingïakren bad ki lad pathai khubor, u Bah Dondonbok Kharlyngdoh u la ïathuh ba kane ka jingjied thymmai ïa u Chairman ka long ban pynkhlaiñ ïa kane ka khynhun bad ruh ban buddien ha kaba ïadei bad ka jingdawa ïa ka hok jong u Bah Cherishtarfield Thangkhiew uba la shah siat ïap ha ki Pulit ha ka jingleit khynra ïa ka iingsah jong u ha Mawlai Kynton Massar ha ka step synñia jong ka 13 tarik u Nailar, 2021.
Ha kaba ïadei bad kane, u Bah Kharlyngdoh u la ïathuh ba naduh ka 8 tarik u Nohprah, 2022 kane ka kynhun kan sa pynlong ïa ki jingïalang ha ki shnong bapher bapher jong ka shnong Mawlai ha kaba ïa ka jingïalang yn sdang shwa n aka shnong mawlai Kynton Massar.
Shuh shuh u la ong ruh lada ka Sorkar Jylla ka dang pynslem ban pynshitom ïa ki Pulit kiba donkti ban siat ïap ïa u Bah Cherish, kane ka kynhun kan pynlong noh da ka jingïaid paidbah ha nongbah Shillong.
