Shillong, Lber 25: Ka Prof Sherwin May Sungoh u la shah thung kum u Pro Vice-Chancellor (PVC) ka North Eastern Hill University (NEHU) Shillong Campus.
Kane ka jingthung ïa ka, ka la long lyngba ka rai ba la jied da ka Executive Council (EC) ha ka 85th Emergent Executive Council meeting kaba la long ha ka 14 tarik u Naiwieng, 2024.
Ka Prof Sungoh u la shimti kum ka Pro Vice-Chancellor kaba la treikam naduh ka 21 tarik u Lber, 2025 bad u la pyntip ruh ïa kane sha u Vice Chancellor Prof Prabha Shankar Shukla, ong ka kyrwoh khubor na ka skulbah NEHU.
“Ka Prof S M Sungoh ka dei ka academician bad ka professor ha ka tnat Education ha NEHU, Shillong Campus. Da ka jingshem phang jong ka ha ka higher education, ka jingkren jong ka bad ki jinghikai kaba la pynleit jingmut ha ka pedagogy, curriculum development, bad educational policy. Ka la noh synniang ban kyntiew ïa ka pule puthi jong ka NEHU ha kine ki phew snem ba la leit kaba kynthup ïa kiba bun ki project wadbniah, ki publication, bad kiwei kiwei ki kam. Ki jingshem phang jong ka, ki la long ka jingmyntoi ïa ka university,” ong ka kyrwoh khubor.
Katkum ka NEHU Act bad Statute, ka Pro Vice-Chancellor kan ïarap ïa u Vice-Chancellor halor ki kam jong ka skulbah, nangta kiba ïadei bad ki kam pule puthi bad ki kam pla tyngka jong ka University. Katkum ka NEHU Act 13 and Statute 3 (3), u Vice-Chancellor, Prof Shukla, u la aiti ïa ki kam kiba bun sha ka Prof Sungoh ba kan pyntyllun ïa ki kam ka university.
Ha ki samoi treikam jong ka kum ka Pro Vice-Chancellor, ka Prof SM Sungoh kan lah ban sei ïa ki jingsiew tulop bad ki allowance kumba la batai da ka UGC bad ka Ministry of Education, GoI, ki ban ïaid lang bad ki rukom treikam ka NEHU. Ki kam shakri jong ka kin ïaid katkum ki kam ba la buh hapoh ka Statute 3 (2) and Ordinance OE-1 jong ka University.
