Shillong, Naitung 21: Ka Meghalaya Human Rights Commission (MHRC) ka la shim da ka suo motu case halor ka jingshah pynïap ba shyrkhei kawei ka samla ha East Garo Hills District dangshen.
Kane ka jingjia kaba ishyrkhei shisha ka la jia ha ka thaiñ Dawa Matchakolgre ha Williamnagar ha kaba uwei u briew u ba kyrteng u James R Sangma, u la pom da ka wait ïa ka samla 19 snem na ka khlieh ha ka jaka paidbah.
Halor kane ka jingjia na ka liang ka Commission ka la bthah ïa u Superintendent of Police, East Garo Hills ban aiti ïa ka kaiphod kaba bniah halor kane ka kam ha ka sien shong bishar ban wan. Ïa kane la pyntip da u Secretary ka MHRC L Ch Marak ha ka sngi nyngkong.
