Shillong, Jylliew, 29: Ka Deen Dayal Upadhyaya Grameen Kaushalya Yojana (DDU-GKY) Meghalaya ha ka sngi Balang la ka pynlong ïa ka jingïalang CxO Meet 2022 ha State Convention Centre, Shillong.
U Myntri ka tnat Community & Rural Development u Bah Hamletson Dohling uba la long u Kongsan u la pyntip ba ka DDU-GKY ha u snem 2014 ka la pynkylla dur ïa kiba bun ki samla kiba wan na ki longing ki longsem kiba duk ha kiba bun rukom.
U la ong ba ka DDU-GKY ka la pynlong ïa ki smala ba kin ïoh ïa ki lad ki lynti ha kiba bun ki liang bad ban ieng ruh ha la ki jong ki kjat ha ka sengkam seng jam.
Ha kane ka sngi, u Bah Dohling u la pyllait paidbah ïa ka Skill Gap Analysis Report bad aiti ïa ka khusnam na ka bynta ka Best PIA sha ka Wazir & Advisors Pvt Ltd. Skill Icons.
Kiwei kiwei kiba la kren ha ki kynthup ïa u Bah T. Lyngwa, Principal Secretary ka tnat C&RD ka Sorkar Meghalaya, ka C. Tenzing, ka nongmihkhmat na ka MoRD bad u Dr. R. Murugesan u Regional Director jong NIRD&PR.
