Nongpoh, Nailar, 24: Ka Department of Physics, ka skulbah University of Science and Technology Meghalaya (USTM) ka la pynlong ïa ka jingrakhe ba kyrpang ïa ka National Space Day 2025, ha kaba la rakhe haduh 2 sngi lynter kata ha ka 22 tarik u Nailar bad 23 tarik u Nailar 2025 da ki prokram bapher bapher halor ka phang: “Aryabhatta to Gaganyaan: Ancient Wisdom to Infinite Possibilities.”
Kane ka jingrakhe ka dei ruh shi bynta ban kynmaw burom ïa ka jingdap 2 snem u Chandrayan-3 ba ka ISRO ka la pynher ban poi shaduh u bnai bad kaba la pynlong ruh ïa u Myntri rangbah ka ri, u Narendra Modi ban pynbna ïa ka National Space Day.
Ka skulbah USTM ha kitei ki 2 sngi, ka la pynlong ïa ki prorkam bapher bapher kiba dei shaphang ka jingstad saïan ban her sha ki haw haw bad kynthup ruh halor ka jingjop ka ri India lyngba ka ISRO ha kaba ïa dei bad ki kam ban haw haw ( Modern Space Achievement).
Ha kane ka jingrakhe ïa ka National Space Day, ba la pynlong da ki prokram ïakop bapher bapher halor ka jingstad shaphang ki jingstad kiba ïa dei ba ka haw haw, la shim bynta shitrhem ruh da ki samla pule katei ka skulbah ba la ban khia halor ka jingïaid lynti kiba dei shaphang kata ka Indian space science naduh ka mynor bad ka mynta.
Ha kine ki 2 sngi, la pynlong ruh ïa kata ka Workshop ba la ai kyrteng “Expanding Frontiers in Space Physics Research” ba la pynlong ha Prof. NKC Auditorium. La ai jingkren pdiang ruh da i Dr. Murchana Khusroo, ba la ban khia halor ka jingkordor jong kane ka Space Day. La ai jingkren ruh i Dr. H. P. Jaishi, Head ka Department bad ruh i Prof. Enamul Karim, Dean of the School of Applied Sciences, kiba la ban khia ba ka India ka la dang kiew shaphrang halor ki jingstad saïan bad ki jingstad kiba ïa dei shaphang ka haw haw.
La sakhi ruh ba ha kane ka jingrakhe ïa ka National Space Day, ki samla pule ki la ïoh lad ruh ban peit lyngba ki Telescope ban ïohi shaphang ka haw haw bad ka jinglong jingman ka suin bneng kiba dei shaphang kata ka jingstad haw haw.
Shuh shuh, ka skulbah USTM ka pynlong ruh ïa kane ka jingrakhe ïa ka National Space Day, ka long ruh shi bynta ban pynshlur ïa ki samla pule bad khamtam ruh ïa ki samla ka juk mynta ba kin don kata ka mynsiem ban pule shaphang ka jingstad haw haw bad kiwei kiwei ki jingstad saïan kiba dei shapagn ka haw haw.
