Jowai, Lber 16: Kawei na ki prokram jong ka Sports Authority of India (SAI) ha ryngka ka jingtreilang ka ophis u District Sports Officer WJHD kila pynlong ïa ka ‘Asmita Athletic City League’ shi bynta na ka Khelo India kala la long mynta ka sngi saitjaiñ 15 tarik u Lber ha West Jaiñtia Hills District.
Ïa kine ki jingïalehkai na ka bynta ki jingïalehkai ba kynthup ïa ka Athletic, ka Badminton bad ka Shot Put la pynlong ha madan Kiang Nangbah Stadium, katba ïa ka Badminton la pynïalehkai ha Kiang Nangbah Indoor Sports Stadium bad ïa ki jingïalehkai la pynïaid da ki dkhot ka WJDSA ha kaba ki kynthei ïalehkai jong ka West Jaiñtia Hills kila wan ban ïashim bynta.
Haba phai sha ka jingïakhun jong ka Athletic ha ka jingïakop mareh jong ka 100 miter ha ka kyrdan U-20 la jop da Wankynsai Pyrtuh, ha ka 200 miter la jop da ka Hakini Shullet, ha ka 800 miter la jop da ka Deisaphi Shadap kaba la jop ruh ha ka jingmareh 1500 miter. Katba ha ka Shot Put la jop da ka Ewanmisa Suting.
Ha ka jingïakhun jong ka Badminton ha ka Under-19 Single la jop (Winner) da ka Nihaka lamare ba wan ba ar (Runner up) ka Dabiangsakani Lyngdoh. Ha ka open Category Single la jop da ka Josefina Dala Passah bad ka ar ka Pretty M. Sumer. Ha ka open double la jop da ka Josefina Dala Passah bad ka Pretty M Sumer bad ba ar ka Nihaka Lamare bad ka Dona Angelika Phyllei.
Katba ha ka Under-19 Double la jop da ka Aureliana E. Passah bad ka Dabiangsakani Lyngdoh, kiba wan ba ar ka Nihaka Lamare bad ka Dona Angelika Phyllei.
