Khliehriat Iaiong 7: Ka Khasi Students Union Sonapyrdi Unit mynta ka sngi ka la pynlong ïa ka jingialehkai sport ka ‘Annual Sport Meet 2022 ha kaba lai tylli ki skul kiba don hapoh shnong ki la ïa wan ban ïa shim bynta ha kane ka sngi bad u Finanace Secretary jong ka KSU East Jaiñtia Hills District Unit u bah Shaniahskhem Dkhar, u la long kum u kongsan bad u Secretary Shnong Sonapyrdi, u bah Daiapherbha Lamare kum u Symbud Kongsan.
Ha kaba kut ka jingialehkai, la sam ïa ki trophy, ki meadal sha kiba jop ha ka jingiamreh thong kaba 100 mitar, kumjuh ruh kiba jop ha ka Long Jump bad kumjuh ruh la.sam trophy after medal sha ki lai tylli ki House, ka Green House, ka Yellow House bad ka Red House kiba jop ha ka match pass.
Ki skul kiba la wan ban shim bynta ki kynthup ka skul Government L.P.School, ka Namchiang Upper Primary School bad ka Little Flower L.P.School.
Haba kren ha ka jingialang, u bah Shaniahskhem Dkhar, u la ai mynsiem ïa ki khynnah ba ki dei ban pynmlien ialade ban ialehkai sport bad kane kan iarap ban tei ïa ka met bad kumjuh ruh ïa ka jingmut jingpyrkhat, u la ai ruh ka jingkitbok kitrwiang ïa baroh ki khynnah kiba la ïa shim bynta ha kajingialehkai sport, u la ai khublei ruh ïa ka KSU Sonapyrdi Unit kaba la shim ïa kane ka synjam ban pynlong ïa kane ka lympung Annual Sport Meet bad la khmih lynti ba kum kane ka lympung yn sa naong ioh ban pynlong man ka por.
Kiba la ai jingkren ki kynthup ruh u Symbud Kongsan, u bah Daiapherbha Lamare bad kiba la ïa don ryngkat lang ki kynthup u Organsing Secretary KSU- EJHDU, u samla Deiniwan Lyngdoh, kumjuh ruh ki riew rangbah kiba na shnong Sonapyrdi bad na kiwei kiwei ki shnong.
La pyniad ia ka prokram da u President KSU Narpuh Circle, uba dei ruh u General Secretary KSU-EJHDU, u bah KS Suchiang, kane ka long katkum u kyrwoh ba la phah lyngba u Sport Secretary KSU Sonapyrdi Unit, u bah C.Dong.
