Shillong, Nailar 14: Ka North-Eastern Sector Headquater CRPF ryngkat ka 67 BN kum shi bynta ban shim bynta lang ha ka jingrakhe pyndon burom ïa ka lyngkhuh snem kaba 75 jong ka jingïoh laitluid ka ri India na ka jingsynshar ki dohlieh, ki pulit CRPF ki la pynlong ïa kiba bun ki prokram ha ki ba bun ki bynta jong ka Nongbah Shillong ban snoh kti lang bad ka ri hi baroh kawei ha ka prokram “Azadi ka Amrit Mohotsav” bad ka “Har-Ghar Tiranga”.
Ki pulit CRPF ki la pynlong ïa ka ka jingïaid kjat, ka jingpynlong ïa ka jingïatem ïaput ha Nan Polo, ka lympung ïatai bad ka jingpynïeng ïa ka lama lairong ha kiba bun ki bynta jong ka Nongbah Shillong bad ha Sohra khamtam eh ha ki jaka jngoh kai pyrthei ban ai khublei sngi laitluid ïa ki nongshong shnong jong ka jylla bad ïa kito kiba wan jngoh ïa ka jylla.
