Nongstoiñ, Naitung 16: Ar ngut ki briew ki la shah rai pynrem da ka jingpynsajia ba hap shong phatok shirta jingim namar ka jingleh beijot ïa i khynnah.
Ha ka hukum ba la pynmih ha ka 25 tarik Jylliew, ka Iingkashari Special Judge (POCSO), West Khasi Hills, Nongstoiñ, ka la pynngat ha ka jingpynsajia ïa u Mebanlang Warjri bad u Tony Paul Basaïawmoit.
Kine ki arngut ki la ngat ha ka jingpynsajia ban shong phatok shirta jingim lem bad ka jingsiew ïa ka kuna ba mar T.50,000 marwei. Ïa kane ka case la register ha u snem 2017 bad ïa ka jingtohkit la bynshet ha ka WPSI DP Nongbri.
