Shen yntei noh ka sorkar ïa ka skul ha Aruakgre

Shillong, jylliew 17: Katkum ka kyrwoh ba la pynlait la ong ba ka sorkar jylla ka la donlang bad baroh kiba hikai bad ki Samla Pule ka jylla bad ka dang khmih ïa ka jingeh ba mad da ki Samla Pule bad ki nonghikai ka shnong Aruakgre jong ka North Garo Hills bad pynthikna ban lah ban pyndep kloi ïa kine ki jingeh.
Ha ka kyrwoh khubor ka la ong ba ka jingtei ïa ka RMSA Higher Secondary School kaba hapoh ka shnong Aruakgre la pynskhem ha ka jinglut kaba T. 97.04 lak. Shuh shuh ka la ong ba ka sorkar ka kwah ban pyntip sha ki paidbah ka North Garo Hills bad ka jylla ba ka project ka la don ha ka bynta kaba khatduh bad yn lah ban pyndep ha u Naitung 2024. Ka jinglah ban pyndep ïa ka Surok PMGSY dangshen ka la pynbha ïa ka surok hajan Gokol ka la ïarap ban pynpoi sha ka shnong Aruakgre.
La ong tuh ba ïa kane projek, yn pyntrei noh da ka District School Education Officer (DSEO) bad ka District Rural Development Agency (DRDA) bad kane kan sa ïarap ïa ki samla pule ban lait na ki jingeh ba kynthup ruh ïa ki nonghikai bad ki shnong ba marjan.