Shillong, Ïaiong 11: U Symbud Myntri Rangbah ka Jylla Bah Prestone Tynsong hynne ka sngi nyngkong ula ong ba ka sorkar Jylla shen kan sa thaw bad wanrah ïa ki lad ki lynti ban pynthikna ba ka jingthungkam thungkam kan nym shah ktah hapoh ka Jylla.
“Ka Sorkar Jylla kala pynkhamti ha ka Chief Secretary ban thaw ïa ki lad ki lynti bad shen ngin sa lah ban file ïa ka affidavit sha ka Ïingkashari Meghalaya High Court khnang ba ka kam thungkam thungkam ha ki kam bapher bapher kan nym shah ktah” ong u Bah Prestone haba ïakren bad ki nongthoh khubor.
Kane ka jingkren jong u kala mih hadien ba ka Ïingkashari Meghalaya High Court kala hukum ban pynsangeh ïa baroh ki interview bad ki jingthungkam thungkam ha ki Tnad Sorkar tad haduh bala wanrah ïa ka roster system.
U Bah Prestone ula ong ba watla kam don satia ka roster system, ka Meghalaya Public Service Commission (MPSC) bad ki Tnad bapher bapher ki ju pynthikna ban sam mar katjuh ïa ka bhah haba pyntreikam ïa ka State Reservation Policy.
