Shillong, Nohprah 09 : Ka Shillong Cricket Association (SCA) ka la pynbna ba kan sa sdang noh ka jingïalehkai jong ka samoi 2022-23 ha ka taïew ba lai mynta u Nohprah 2022. Ka SCA ha ka kyrwoh khubor ka la pyntip ïa baroh ki club kiba ïasoh bad ka ba kin wan shakhmat ban thep kyrteng bad kyntup ruh ïa ka jingïadie ïathied player.
Ka jingthep kyrteng kan long ha ka 14 tarik Nohprah 2022 naduh katba ka jingïadie ïathied player kan long ha ka 16 tarik Nohprah naduh ka por 12 baje nohphai sngi haduh ka por 6 baje janmiet. Ka jingpynrung kyrteng na bynta ka 2nd bad 3rd Division kan long ha ka 17 tarik Nohprah katba ha ka 1st bad Super Division kan long ha ka 3 tarik Kyllalyngkot 2023.
