Mawkyrwat, Naitung 18: Ka South West Khasi Hills Dtrict Badminton Association mynta ka kynti kan sa ïoh ban pynlong biang ïa ka lympung ïalehkai badminton kaba tip kum ka 6th South West Khasi Hills Dstrict Inter-School Badminton Championship 2025 ha Mawlangwir Indoor Stadium, South West Khasi Hills District.
U President jong ka South West Khasi Hills Dtrict Badminton Association, u bah H.S. Diengdoh, haba kren ha ki lad pathai khubor u la ïathuh ba ïa 6th South West Khasi Hills District Inter-School Badminton Championship 2025 yn sa pynlong naduh ka 28 tarik haduh ka 30 tarik u ‘Naitung 2025 ha Mawlangwir Indoor Stadium.
Shuh shuh u la ïathuh ruh ba ki kyrdan ïalehkai ki long ha ka kyrdan ba 12 snem jong ki shynrang bad kynthei kan don tang ka jingïalekaipara marwei, kiba hapoh 14 snem jong ki shynrang bad kynthei kan don para marwei bad ïalehkai ar ngut (single & doubles), kiba hapoh ka 16 snem jong ki shynrang bad kynthei kan don para marwei bad ïalehkai ar ngut (single & doubles), kiba hapoh ka 18 snem jong ki shynrang bad kynthei kan don para marwei, ïalehkai ar bad ka mixed doubles (single & doubles & mixed doubles).
Ka tarik ba khadduh ban pynpoi ïa ki phom kan long ka 23 tarik u ‘ Naitung, 2025.
Kumta sa shisien pat na ka liang ka South West Khasi Hills Dtrict Badminton Association, ka ïa wer ïa baroh ki skul hapoh jong ka distrik ba kin wan ban ïashimbynta ha kane ka lympumg ïalehkai badminton.
