Jowai, Nailar 17 : Ka West Jaiñtia District Sports Association (WJDSA), shen kan sa pynlong ïa ka ‘Open to All Veteran Football Tournament-2022’, shi bynta ban rakhe ïa ka jingdap 50 snem ka Association.
Ha kabe ïadei bad kane ka WJDSA ka khot bad wer ïa ki rangbah bala 40 snem sha jrong (katkum ka Epic/Aadhar) ban wan ïa shim bynta ha katei ka Tournament. Na ka bynta ka bai rung ka long Rs.2000 tyngka kawei ka kynhun bad ka bai registration ka long Rs.50 tyngka uwei u rangïalehkai.
Ka thong jong kane ka lympung ka long haduh Rs.50,000 tyngka, ïa ka kynhun kaba wan ba nyngkong (Winner) kan ïoh rah ïa ka song pisa ba Rs.30,000 tyngka katba ïa ka kynhun ba wan ba ar bad kan ïoh Rs.20,000 tyngka.
Kiba kwah ban ïa shim bynta lane ban tip kham bniah ki lah ban pyntip bad ai kyrteng da kaba pynpoi ha u General Secretary ha shuwa ka 26 tarik mynta u bnai.
