Mawkyrwat, Jymmang 29: Ka ophis jong u District Sports Officer, South West Khasi Hills District, Mawkyrwat ka ai ïa ka jingpynbna ba shen kan sa sdang ïa ka lympung ïalehkai kynjatbol ba la tip kum ka South West Khasi Hills District Level Inter-School Subroto Cup Football Tournament 2022 na ka bynta ki Sub-Junior jong ki khynnah shynrang kiba hapoh 14 snem & ki Junior jong ki khynnah shynrang bad kynthei kiba hapoh 17 snem.
Namarkata, na ka liang ka ophis ka bthah ïa ki skul kiba don hapoh jong ka South West Khasi Hills District kibakwah ban ïashimbynta ba kin sa wan ban shim ïa ki phom ban pyndap ïa ki kyrteng jong ki nongïashimbynta na ophis treikam ha ki sngi long trei. La pyntip ruh ba ka tarik ba khadduh ban pynpoi ïa ki phom ka dei ha ka 17 tarik u Jylliew, 2022 bad lada ki don kiba wan pynpoi ïa ki phom hadien ka tarik ba la buh yn nym pdiang shuh.
Na ka bynta ki jingtip ba khambniah kin phone ha 9366071684/9856925283/7085084819.
