Sohra, Nailar, 20: Ka HANM South Khasi Hills, Sohra ka la ïathuh ba shen ka jingtrei ban pynbha ïa ka surok naduh Mawjrong sha Sohra kan sa sdang noh.
Ïa kane la ïathuh da u Bah Shan Nongrum, President ka HANM South Khasi Hills hadien ba ka Seng ka la leit ban ïakynduh ïa u SDO jong ka PWD, Sohra Division ha kine ki sngi baladep.
U Bah Shan, u la ïathuh ba na ka liang u SDO, u la kular ba un sa ai hukum noh ïa ki Kontraktor ba kin sdang noh ïa ka jingtrei namar ba mynta u slap u la sdang rang.
Ha shuwa jong kane, ka HANM ka la leit ban jurip ïa ka surok naduh Mawjrong ter ter shaduh Sohra, ha kaba ka la lap ïa ka jingsniew ka surok ha baroh shi lynter bad kane ka jingsniew ka surok, ka la buh jingeh shibun ïa ki paidbah. Nalor ba kane ka surok kadei kaba bun bha ki kali ba ïaid namar ka jingwan tuid ki nongshang pyrthei na kylleng kylleng ki jaka ban wan jngoh ïa ka jingitynnad ka Sohra.
Lah ban kdew hangne ba ka sorkar naduh kine ki snem baladep, ka la mang
