Shillong, Kyllalyngkot 30 : U Symbud Myntri Rangbah ba khmih ïa ka Tnad Transport u Ma Sniawbhalang Dhar ula pyntip ba ka Tnad ka la dep pynlait ïa ki tender na ka bynta ban shna ïa ki helipad ne jaka hiar hhelikopter kawei ka Shillong bad kawei ha Tura.
“Ka Tnad kala dep pynlait ïa ka tender jong ka Shillong bad Tura bad ngam pat tip thikna la ïa ka kam lah aiti ne em ban pyntrei” ula ong.
Haba ïadei bad ka jingthied jaka, u Bah Sniawbhalang ula pynpaw ba kam don jingeh satia ha kane ka liang.
Haba kylli ïa ka jingshakri ki helicopter sha kiwei pat ki bynta ka Jylla, ula ong “Ka Ministry of Transport ka la pyntip sha ngi ba ai kan sdang shuwa ïa kine ki artylli ki jaka bad hadien ngin sa pyrshang ban leh ha kiwei ki district headquarter ruh hynrei ym mynta mynta. Suki suki ngin sa pynpoi ïa ka jingshakri sha kiwei ki district headquarter namar ngi donkam ruh ïa ki”.
