Shillong, Nailar 11: Ka Indian Youth Congress (IYC), youth wing jong ka Indian National Congress, ka la pynbna ba kan sa thung shuh shuh ïa ki dkhot bad kan pynlong ruh ïa ki election ha Meghalaya ha ka 14 tarik jong u bnai Naiwieng.
Kine ki election kin long ha ki shnong bapher bapher, ki district bad ha ki kyrdan bapher bapher ha Meghalaya.
La ong ba baroh ki samla kin lah ban pynrung kyrteng kum ki dkhot bad ki kyrtong bad kiba lah ruh ban long kum ki dkhot jong ka seng lyngba ka ‘With IYC’ mobile app.
Ïa ki nongïalam yn lah ban rai katkum ki jingïoh jingkyrshan jong ki napoh ka seng.
Ïa ki Zonal Returning Officer yn thung ha ki district bapher bapher ban pynthikna ba kan don ka jingtreikam kaba khuid kaba suba ha ka kam election.
Ki la don ruh ki kyndon kiba kyrpang ban pynsuk ruh ïa ki longkmie ha kaba ïadei bad kane ka kam.
