Shillong, Risaw 24: Ka Khasi Hills Autonomous District Council (KHADC) ka la pynthikna ba shen kan sa aiti ïa ki syrnot ka hok longtrai jaka (land title rights certificates), watba ka KHAD (Regulation and Administration of Land) Act, 2021 kam shym la kren shai ïa ka por ban aiti ïa ki.
Ïa kane la ïathuh da u Executive Member ba khmih ïa ka tnat Land, u Bah Powell Sohkhlet, hapoh ka Dorbar Tlang haba jubab ïa ka jingkylli ba la wanrah da ka MDC na Nongpoh ka Kong Rona Khymdeit ha ka sngi Thohdieng.
U Bah Sohkhlet u la banjur ba ka tnat kan ym pynslem ban sam ne aiti ïa kine ki syrnot da kaba pynthikna ruh ba yn aiti ruh ïa ki, khamkloi katba lah.
Ha kajuh ka por ka KHADC ka la mynjur ruh ïa ka KHAD (Administration of Justice) (Amendment) Rules, 2025.
