Shillong, ïaïong, 15: U Personal Secretary jong u Myntri ka Sorkar Jylla u Bah Sanbor Shulla ha ka sngi Palei u la mudui da ka ejahar pyrshah ïa uwei u briew uba la kam ïalade ba u dei u MLA ka South Shillong Constituency da kaba telephone ïa ki briew lyngba u nombar 9695747823.
Ha ka ejahar ba la mudui ha u Superintendent of Police ka East Khasi Hills District, u PA jong u Bah Sanbor Shullai ula ong, “uwei u briew lyngba u nombar phone 9695747823 u la kam ïalade ba u dei u Bah Sanbor Shullai bad phah kyrwoh lyngba ka WhatsApp sha u Director ka tnat Animal Husbandry and Veterinary bad sha kiwei kiwei ki ophisar jong kane ka tnat.”
“Ha kaba ïadei bad kane, sngewbha ban shimkhia halor kane bad pyntip paidbah ba uno uno uba pyndonkam bakla u dei ban shah pynngat ha ki kyndon jong ka aiñ,” la ong u PA jong u Bah Sanbor Shullai.
