Shillong Naitung 08: Ka khubor na ki pulit ka ïathuh ba ka Poonam Singh ka la phah ka jingujor ba ha u bnai Jylliew, 2023, ka nongtrei jong ka kaba kyrteng ka Sumit Mandal ka la pyntip ïa ka, ba ki don ki runar bym lah ban ithuh ki la tuh ïa ki jingdeng mawkordor, tiar ïing, ka baje bad kiwei napoh ka ïing jong ka kaba ha Pinegrove, Pine Mount Ridge Road, Shillong.
Ha kawei pat ka jingjia ki pulit ki la ïathuh ba u Secretary ka shnong Weiloi (EKH) u la phah ka jingujor ba ki pipe um kiba la buh ha Mawkynep jong ka tnat PHE na ka bynta ban sam um ïa ka shnong Weiloi la shem ba ki la jah. Hynrei ha ka por ba dang wad la lap ba ïa kitei ki pipe la lap ha kawei ka dukan marjot kaba ha Shnong ha katei hi ka shnong.
