Shillong, Jymmang 14: Ka khubor ba la ïoh na ki pulit la ïathuh ba ka Hally Conia Marpna ka la phah ka jingujor ba ha ka 11 tarik mynta u bnai ha ka por mynmied, ki runar bym lah ban ithuh ki la prong hapoh ka dukan jong ka kaba ha Mawïong Umjapung Tariang-A, Shillong bad ki la tuh ïa kawei ka marble cutter Ninjato, saw tylli ki earthing copper plate, nangta ka pisa T. 1,300/-, bad kiwei kiwei.
Shuh shuh ha kawei pat ka jingjia u Rakjring R Marak u la phah ka jingujor ba hapdeng jong ka mied 12 & 13 mynta u bnai, ki runar bym lah ban ithuh ki la tuh ïa ka thuk thuk jong u kaba don u nombar ML-13-8813 napoh ka ïingsah wai jong u kaba ha Songsak A’gitokgre (EGH).
Ha kawei pat ka jingjia ki pulit ki la ïathuh ba u John R Marak uba na ka shnong Mendal (NGH) ula phah ka jingujor ba ha ka 9 tarik ki runar bym lah ban ithuh ki la tuh ïa ka thuk thuk jong u kaba don u nombar ML-07B-7854.
Shuh shuh ha kawei pat ka jingjia u Suraj Kr Sharma na Bamunipanikhown, Assam u la phah ka jing ujor ba ha ka step jong ka 10 tarik mynta u bnai ula lap ba ka Bolero Pick-up kaba don u nombar ML-07A-7501 ka la jah na ka jaka kaba dang hab ha Mendipathar PS (NGH).
