Shillong, K’ Lyngkot 23: U Trilok Gheavring u la phah ka jingujor ba ha ka 21 tarik mynta u bnai ha ka por 3 baje mynstep, ki runar bym lah ban ithuh ki la tuh ïa kawei ka bicycle napoh ka ïingsah jong u kaba dang hab ha Jhalupara OP.
Ha kawei pat ka jingjia u Silnam Ch Momin u la phah ka jingujor ba ha ka 20 tarik mynta u bnai ha ka por kumba 7.30 baje mynstep, ki runar bym lah ban ithuh ki la tuh ïa ka thuk thuk jong u kaba don u nombar ML-05AD-9881 napoh ka jaka trei jong u kaba ha Umroi Umdohbyrthih (RB).
