Shillong, Nohprah 21: Ka khubor ba la ïoh na ki pulit la ïathuh ba u Sayar Bebarma u la phah ka jingujor ba ha ka 12 tarik mynta u bnai ha ka por kumba 9.40 baje mynmiet ki runar bym lah ban ithuh ki la tuh ïa ka thuk thuk jong u kaba don u nombar TR-01AW-5187 na Jotemi Guest House kaba ha New Market Ladthadlaboh, Jowai (WJH).
Ha kawei pat ka jingjia, ki pulit ki la ïathuh ba u Frayzing Ch Marak u la phah ka jingujor ba ha ka 12 tarik mynta u bnai, u la leit sha Guwahati, Assam ha kawei ka kali kaba don u nombar AS-01FZ-3087 ba la niah da u Monirul Islam, da ka jingthmu ban leit thied ïa ka kali bad ban sah hapoh ka hotel kaba ha Guwahati. Kham hadien ha ka por kumba 11 baje mynmiet, u Monirul Islam u la tuh ïa ka mobile phone jong u, kawei ka jacket, ka pisa kumba T. 4.61 lak bad bun tylli kiwei pat ki kot ki sla kiba kongsan bad u la phet na katei ka hotel.
