Shillong, Nailar 19: Ki pulit ki la ïathuh ba ha ka 18 tarik mynta u bnai ha ka por 12 baje mynstep, ki runar bym lah ban ithuh ki la tuh ïa kawei ka local taxi kaba don u nombar ML-05AE-3066 kaba long trai da u Bah Kyrmenlang L Langrin na Ïewduh, Shillong.
Ka Kong Emica Mylliemngap ka la phah ka jingujor ba ha ka 16 tarik mynta u bnai, ki runar bym lah ban ithuh ki la tuh ïa ka scooter jong ka, na Malki, Shillong.
U Ajamsha Ch Sangma ka la phah ka jingujor ba ha ka miet jong ka 16 tarik mynta u bnai, ki runar bym lah ban ithuh ki la tuh ïa ka thuk thuk jong u kaba don u nombar ML-05AF-0796 na shnong Umkdait, Shillong.
U Bah Iateilang Kharbudnah u la phah ka jingujor ba ha ka miet jong ka 16 tarik mynta u bnai, ki runar bym lah ban ithuh ki la tuh haduh 21 tylli ki syiar napoh ka Demonstration Farm, Krishi Vigyan Kendra kaba ha 5 mer, Upper Shillong.
U Brahmal Hajong u la phah ka jingujor ba ha ka 15 tarik mynta u bnai, ki runar bym lah ban ithuh ki la tuh ïa ki submersible cable kiba shongdor T. 30,000/- na Ulubari (SWGH).
