Shillong, Lber 07: Ka khubor ba la ïoh na ki pulit la ïathuh ba ka Reliancy Susngi ka la phah ka jingujor ba ha ka 4 mynta u bnai, ki runar bym lah ban ithuh ki la tuh ïa ka scooter jong ka kaba don u nombar ML-04D-9001 napoh ka ïing sah jong ka kaba ha Nangbah, Dukhu (WJH).
Ha kawei pat ka jingjia ki pulit ki la ïathuh ba u Supervisor ka M/s Job East (Security Agency) u la phah ka jingujor ba ha u bnai Rymphang, 2025, ki runar bym lah ban ithuh ki la tuh ïa ki cable na Dhubri-Phulbari Bridge Project site kaba ha Zero Point, Phulbari (WGH).
Shuh shuh ha kawei pat ka jingjia ki pulit ki la ïathuh ba u Meran Sangma u la phah ka jingujor ba ha ka 3 tarik mynta u bnai ha ka por 2 baje nohphai sngi m, u la shem ba ka scooter jong u kaba don u nombar ML-13A-7221 ka la jah narud surok kaba ha NH-51 kaba dang hab ha Bajengdoba PS (NGH).
