Shillong, Naiwieng 04: Ka khubor ba la ïoh na ki pulit la ïathuh ba ha ka 1 tarik u Naiwieng ha ka por 6.30 mynmiet ki runar bym lah ban ithuh ki la tuh ïa kawei ka scooter kaba don u nombar AS-01EZ-5792 napoh Don Bosco Junction, Laitumkhrah, Shillong.
Ha kawei pat ka jingjia uwei u nongshong shnong jong ka nongbah Shillong u la phah ka jingujor ba ki runar bym lah ban ithuh kiba la ïathuh ba ki dei ki nongtrei ne nongmihkhmat jong ka Lower New Colony Mid Pine Homestay, Laitumkhrah, Shillong ha kaba ki la ïathuh ba ki la buh ïa ki phone number hapoh ka Google jong katei ka Homestay ha kaba ki la thok ïa ki 2 ngut ki nongwan jngohkai haduh T. 2,000/- bad T. 2,500/-.
