Shillong, Nailur 24: Ka khubor ba la ïoh na ki pulit la ïathuh ba u Bruce D Marak u la phah ka jingujor ba ha ka step jong ka 20 tarik mynta u bnai, ki runar bym lah ban ithuh ki la tuh ïa ka scooter jong u kaba don u nombar ML-08K-3088 napoh Chasingre, Tura (WGH).
Ha kawei pat ka jingjia ki pulit ki la ïathuh ba ka Josna Banu kaba na Kasaripara (WGH) da ka ktien ka la ïathuh ha Hallidayganj PS ba ki don arngut ki briew kiba la ktah kti ïa ka bad halor kane ka jingjia katei ka longkmie ka la mynsaw bad la pynkit noh sha CH Hatsingimari, Assam.
Shuh shuh na ka liang ki pulit ki la ïathuh ba u Abul Kalam u la phah ka jingujor ba ha ka 21 tarik mynta u bnai, ka thuk thuk jong u kaba don u nombar AS-17A-7022 la shem ba ka la jah Hawakhana, Tura (WGH).
