Shillong, Jymmang 13: Ka khubor ba la ïoh na ki pulit la ïathuh ba ka Madhumita Das ka la phah ka jingujor ba ha ka 9 tarik mynta u bnai ha ka por 1 baje janmiet, ki runar bym lah ban ithuh ki la prong ha ka ïing jong ka ha Motinagar, Shillong bad ki la tuh ïa ka ksiar, ka rupa bad kiwei ki maw kordor kiba la kot ha ka jinglut T. 21 lak bad ka pisa kaba T 20,000.
Ha kawei pat ka jingjia u Narayan Rai uba na ka shnong Motinagar, Shillong da ka ktien u la ïathuh ba ha ka 10 tarik mynta u bnai ha ka por 8.40 baje janmied, arngut ki runar kiba la kah dur da ka bor ki la tuh ïa ka mobile phone jong u bad ki la phet da kawei ka scooter.
Shuh shuh na ka liang jong ki pulit ki la ïathuh ba u Upendra Roy u la phah ka jingujor ba hapdeng jong ka mied 10 & 11 tarik mynta u bnai, ki runar bym lah ban ithuh ki la tuh ïa ka scooter jong u kaba don u nombar ML-05Q-7037 napoh ka ïingsah jong u kaba ha Dongkadiang, Nongmensong, Shillong.
Ha kawei pat ka jingjia, ka la don ka jingujor ba ha ka 10 tarik mynta u bnai 3 baje janmied, uwei u nong Bangladeshi uba kyrteng u Sohel Ahamad ba la 30 snem ka rta u la shah bat na Ranikor Market (SWKH).
Ki pulit ki la ïathuh ba ka kong Jelima Lytep ka la phah ka jingujor ba ha ka 11 tarik mynta u bnai ha ka por 10 baje janmied, ki runar bym lah ban ithuh ki la tuh ïa kawei ka masi napoh ka sem masi jong u kaba ha ka shnong Lummuriap kaba dang hab ha Barato OP (WJH).
