Shillong, Rymphang 03: Ki pulit ki la ïathuh ba ha ka 31 tarik u Kyllalyngkot, 2026, ki runar bym lah ban ithuh ki la prong hapoh ka ïing jong u Yoowanmi Myria kaba ha Nongshiliang, Nongthymmai, Shillong bad ki la tuh kawei ka TV set, kawei ka Bluetooth speaker, bad kiwei kiwei.
Ha kawei pat ka jingjia u Gurmeet Singh, u la ïathuh ba ha ka 1 tarik mynta u bnai, u la shem ba ki runar bym lah ban ithuh ki la tuh ka jingdeng kti kaba da ka rupa bad shibun ki jingdeng ksiar kiba la shongdor kumba T. 2.5 lak napoh ka ïingwai kaba ha Rilbong, Shillong.
Katba u Rohit Bajoria u la phah ka jingujor ba ha ka 19 tarik u Kyllalyngkot, 2026, ki runar bym lah ban ithuh ki la tuh ïa ki copper strip bad ki lightning conductor ba shongdor kumba T. 1 lak (approx.), ba la buh ha ïingsah jong u kaba ha Police Bazar, Shillong.
