Shillong, K’ Lyngkot 20: U Goukhanlian u la phah ka jingujor ba ha ka miet jong ka 14 tarik mynta u bnai, ki runar bym lah ban ithuh ki la tuh ïa ka scooter jong u kaba don u nombar ML-05AB-1232 napoh ka compound ïingsah jong u kaba ha Rngi Neng, Lawjynriew, Nongthymmai, Shillong.
U Raju Singh u la pyntip ba ha ka miet jong ka 15 tarik mynta u bnai, ki runar bym lah ban ithuh ki la tuh ïa ka scooter jong u kaba don u nombar ML-05V-5390 na surok Arbuthnot, kaba hajan DGAR, Laitumkhrah, Shillong.
Shuh shuh ha kawei pat ka jingjia, ha ka 16 tarik mynta u bnai hapdeng ka por 12 baje mynstep bad 4 baje mynstep, kawei ka scooter kaba don u nombar ML-05AA-6956 kaba la long trai da u Bah Rumo Dkhar, la shem ba ka la jah ha shnnong Kynton, Khliehtyrshi (WJH).
