Shillong, Lber 31: Ka khubor ba la ïoh na ki pulit la ïathuh ba ha ka 30 tarik mynta u bnai, ki runar bym lah ban ithuh ki la tuh ïa kawei ka thuk thuk kaba don u nombar ML-05AF-3760 kaba long trai da uwei uba kyrteng u Elnathan Saithwai napoh ka jaka sah jong u kaba ha ka shnong Lyngkyrdem kaba dang hab hapoh ka Pynursla PS (EKH).
Ha kawei pat ka jingjia, ki pulit ki la ïathuh ba ka kong Wandashisha L Lyngkhoi ka la phah ka jingujor ba ha ka miet jong ka 27 tarik mynta u bnai, ki runar bym lah ban ithuh ki la tuh ïa ka scooter jong ka, kaba don u nombar ML-05AE-2921 na Mawïong Umjapung, Nongneng-A, Shillong.
Shuh shuh ki pulit ki la ïathuh ba u Asad Ali u la phah ka jingujor ba ha ka 28 tarik mynta u bnai ha ka por kumba 2.30 baje nohphai sngi, ki runar bym lah ban ithuh ki la tuh ïa ka thuk thuk jong u kaba don u nombar AS-34-9356 na Mirjumla Majar Sharif (SWGH).
