Shillong, Nailur, 12: U Lamphang jong ka Ïingdorbar Thawaiñ ka Jylla u Thomas A. Sangma ha ka sngi Thohdieng u la thung ïa ka MLA jong ka TMC na Ampati ka Miani D. Shira kum ka Chairperson jong ka Public Accounts Committee (PAC) ka Ïingdorbar Thawaiñ.
Kiwei pat ki MLA ba la shah thung kum ki dkhot jong ka PAC ki kynthup ïa u Rupert Momin, u Bah Lahkmen Rymbui, u Bah Balajied Syngkrem, u Jimmy D. Sangma, u S. Sangma, u Bah Gavin Mylliem, u Rupa M. Marak bad u Bah Brightstarwell Marbaniang.
U Lamphang u la thung ruh ïa u MLA ka NPP na Mawhati u Bah Charles Marngar kum u Chairman jong ka Committee on Public Undertakings bad ïa u MLA ka UDP na Nongpoh kum u Chairman jong ka Committee on Estimates.
