Shah thombor ka khynnah skul ba dang 16 snem ha ki runar ha Jaiaw dung da u thyrnia injekshon na kti

Shillong, Nailar 18 : Ha ka jingjia ba pynher syrngiew ïa baroh, kawei ka Khynnah skul ba dang 16 snem ka rta, kala shah thombor ha ki arngut ki runar ha ka janmiet sngi Nyngkong, kiba la dung ia ka da u thyrnia injekshon ba don ki kynja dawai bym lah ban tip, katba ka dang ïaid lynti ha ka thaiñ Jaiaw.
Haba ïakren bad ki nongthoh khubor, ka Kmie kane ka Khynnah ka ïathuh ba ka Khun jong ka,ka dang don ha lynti ban leit sha skul ha ka por 2 baje janmiet hynrei kynsan kynsan, arngut ki runar kiba shong scooty ba pynïeng marjan ka Ophis ka Bible Society ha Madan Student, Jaiaw, kila pynïeng ïa ka bad kila dung da u thyrnia injekshon na ka kti ka mon hashuwa ba kin phet krad na katei ka jaka.
La ïathuh ba kine ki runar ki dei kiba la tap ïa ki durkhmat bad ym lah ban ithuh satia ïa ki. Kane ka Khynnah kala leit mar mar sha Dispensary ha Jaiaw Langsning hynrei namar ka jingbym don doktor, la ïalam noh mar mar ïa ka sha Dr H Gordon Robert Hospital, Jaiaw, ban phah sumar mardor.
Ka kmie jong kane ka khynnah kala ong ba ka khun ka dang don hapdeng ka jingshah sumar bad ki doctor ki dang ap ïa ka kaiphod jingtohkit ban lap ba kine ki runar kila injek da ka jingkhleh dawai aiu ïa kane ka khynnah.