Shillong, K’Lyngkot 02: Uwei na ki nongshong shnong jong ka nongbah Shillong u la phah ka jingujor ba u ba shi para jong u, u la thied ïa kawei ka tiar na kawei ka website ‘teentoy.in’; ha kaba uba die ïa kine ki tiar u la ai ïa u QR code / UPI ID lyngba ka WhatsApp na ka bynta ban siew ïa kane ka tiar. La ïathuh ba ha ka 24 tarik u Naiwieng, 2025 ha ka por kumba 12.52 janmiet, ka pisa kumba T. 16,000/- la dep ban siew lyngba ka GPay sha ka ‘ED BRANDING’ hynrei ïa ka tiar pat haduh mynta um shym la ïoh satia.
