Shillong, Rymphang 09: Uwei u nongshong shnong ka nongbah Shillong u la phah ka jingujor ba u la ïohpdiang ka jingshah phone na uwei uba la ai kyrteng u Surbi Alwallia uba la kyntu ïa u ban pynlut ne siew ka pisa kumba T. 48,35,206.50P pyrshah ïa ka Bharti Axa Life Insurance policy, na ka daw ka mis-selling bad ka jingbym thep pisa ha ka por ba don ka khlam Covid-19, bad ba katei ka pisa yn pynphai biang hadien ki 45 sngi. Hynrei la shem ba ïa katei ka pisa haduh mynta ym shym la pynphai biang satia bad utei uba u jor ula sngewthuh ba u la shah thok.
Ha kawei pat ka jingjia, uwei u nongshong shnong ka nongbah Shillong u la phah ka jingujor ba ha ka 24 tarik u Kyllalyngkot, 2026, ka la don ka jingshah sei tuh ka pisa jong u haduh 2 sien napoh ka Credit card jong u bad kane ka la jia khlem ka jingtip jong u.
