Shillong, Nailar 05: Kawei ka longkmie ka la phah ka jingujor ba ha ka 22 tarik u Jymmang uwei u briew uba kyrteng u Tynjuhbor L Nonglait, u la kyrpad ïa ka ban thied ïa ka Bolero pick-up lyngba ka kyrteng jong ka, da kaba kular ban siew T. 2 lak kum ka down payment. Shuh shuh u Bah Tynjuhbor L Nonglait u la ong ba un pyndonkam ïa kane ka kali da kaba siew manla u bnai ha kaba kane kan ïarap ïa ka ban siew ïa ka EMI. Hynrei haduh kine ki sngi utei u briew u khlem siew satia ïa katei ka pisa kaba dei ban siew manla u bnai.
