Mawkyrwat, Nailur 26: Kawei ka kali ka la shah thang dusmon ha ka miet sngi Palei ba la pynïeng harud surok ka shnong Rangblang, South West Khasi Hills District.
Ka kali kaba la shah thang dusmon ka dei jong u Acting Syiem ka Hima Nobosohphoh u Pa’iem Ferdinand Syiemiong.
Haba kren sha ki lad pathai khubor u Acting Syiem u la ong ba kum kane ka jingjia ïa ka kali jong u kam dei shuh ka sien ba nyngkong ba ka shah leh dusmon.
“Ka sien ba nyngkong, ki runar ki la pynpait ïa ki ïit jong ka kali, bad mynta pat ki la thang syndon haduh ba kan da ingkhong khait”, u la ïathuh.
U la pynpaw ka jingsngewsih halor kane ka jingjia da kaba kyntu ïa kito kiba leh ïa kum kine ki kam ban mih shakhmat ban pynshai kaei ka daw kaba pynlong ïa ki ban leh dusmon.
Ym tangkata, u la buh ruh ka jingkylli, “Hato nga la leh aïu kaba bakla haduh ban da thang dusmon ïa ka kali jong nga?”
