Guwahati, Naitung 17: Ki Pulit ka Assam kila ïoh pynkyllon bad siat ïap ïa 3 ngut ki kaikhlaw ha ka jingïather kuli ha Bhuban Hills kaba hab hapoh ka Cachar District.
Katkum ka khubor ba la ioh la ong ba napdeng kine ki lai ngut ki kaikhlaw ba ïap, arngut ki dei kiba na Cachar District katba uwei u dei na Manipur.
Shuwa kane, ki Pulit kila ïoh kem ïa 3 ngut ki ehrang kaikhlaw na Dhalai kaba hab hi ha Cachar District.
Ki Pulit ki la ïoh kurup ïa ka AK-47 rifle na kine ki kaikhlaw.
Ki Pulit kila ïalam ïa kine ki laingut sha Bhuban Hills ban pynlong ïa ka jingkhynra bad dei hangne ba ka la mih ka jingïather kuli hapdeng ki bor shipai bad ki kaikhlaw.
Ka khubor ka ïathuh ba lai ngut ki Pulit kila mynsaw ha kane ka jingïather kuli kaba la neh palat shi kynta eiei.
